Spreuken 01
01Dit binnen spreuken van Salomo, zeun van David, keunenk van Israël.
02Zai dainen om wieshaid en regel te kriegen en om verstandege toal te verstoan,
03om te leren odder en regel te aanveerden, gerechteghaid, recht, en rechtschoapenhaid,
04om slichte lu verstand en inzicht te geven, en haalfwozzen jonkvolk kennes en bedachtzoamhaid bie te brengen.
05Loat ain dij wies is, heuren en meer inzicht kriegen, loat ain dij verstandeg is, mit overleg te waark goan,
06om spreuken en beeldsproak te begriepen en woorden en roadsels van wieze lu.
07Ontzag veur de HEER is t begun van kennes; onwieze lu hebben wieshaid en regels niks in reken.
|